Ka sorkar Meghalaya lyngba ka Home (Political) Department da ong ko wa neidaw wa da pyntip da ki heh pulit kamjooh ki heh District ka Garo Hills wa da em boon iwa jia iwa ye wow ktah yei chongsuk chongsaaiñ ynne ka sngi heiyatoh wa ka Election ka GHADC nadooh kiwa da jia ha Tura wa kiwi de ki thaw iwa daw ktah leh yei krehkaam ka aiñ.
Wei da em leh i chah thang ki dukan, i chah pynmynsoo ki bru, i yalang ki paidbah boon ngut kamjooh i pynpoor ya ki khubor wa yahbakla kiwa ye wow wanrah yei sñiaw yaphær hapyrid ki jaitbru wa em ha waroh kawi ka Garo Hills.
Wei yeini i pynpoor khubor ye wow leh lyngba ki rynsan Social Media kam ha WhatsApp, Facebook, YouTube, Instagram wa kiwi de deiwa booh da ki dur ki Video wa deiwa thoh ki kyntien kiwa ye wow ktah ya ka aiñ.
Kamtæ hajrong ini waroh da pynkrehkaam da ka aiñ Indian Telegraph Act, 1885 deilang ka Temporary Suspension of Telecom Services (Public Emergency or Public Safety) Rules, 2027 yow khang yei pynpoor ya ki dur ki dar wa ki Video wei yow ye u leh yeini da khang ya ka Mobile Internet Data ha waroh ki District ka Garo Hills kitæ ka West Garo Hills, East Garo Hills, South Garo Hills, North Garo Hills wa South West Garo Hills kat hadooh wa pynbna da kamwi nadooh myntu ka sngi.
Ya kiwa leh pyrchah daw chah pynchitom hapoh ka Section 223 BNS wa ki kyndon ka aiñ Indian Telegraph Act, 1885.
Discussion about this post