Hadien wa yoh yei jubab ya ka RTI na ka yung krehkaam u DC ka East Jaiñtia Hills District ha ka 25 tarik u Naiynru uni u snem heiyatoh wa i rukom thap kreh hapoh ka District lyngba ka DSC, neiliang uwa yaleh RTI, u Reachingson Siangshai da lai booh RTI biang u ha ka 9 tarik uni u bani yow paan pynche chooh chooh deiwa paan jubab ya 30 tylli ki phang nadooh ki Marks, ki Scoresheet kiwa yaleh kreh yong ki kreh Grade-III, Grade IV wa kiwi de.
Ha ka jubab RTI wa da yoh chwa, da em leh i wym che wa kammon hei kreh neibynta ki Sectional Assistant wa da pynmih Advertisement wa em ar tylli ki kreh wa lait tangwa manda mih Result won da pynyoo wa em le ngut kiwa yoh yeini i kreh wei yeini leh da booddien ha kani ka RTI wa thymme.
Ha kani ka RTI wa thymme da kylli leh chaphang ki Marks kiwa leh ya ka Physical Test, ka Driving Test, ka Language Test wa ka Typing Test.
U Reachingson da kdaw u leh heiyatoh wa ka Advertisement wa da pynmih ha ka 17-06-19 da ka DSC ka East Jaiñtia heiyatoh wa i kreh Lower Divisional Assistant-cum-Typist heiwa ym em thoh katwon tylli ki kreh wa lait tangwa da thoh donhi “Some Post”.
“Ini da man i deiwa tyngkheiñ ya ka kyndon wa em hapoh ka Paragraph 13 wa pynmih da ka Department of Personnel & Administrative Reforms yong ka sorkar jylla katkam ka Office Memorandum No. PER(AR)255/87/3. DT. 25th Jan, 1998 heiwa da ong wa toh u kdaw deiwa che katwon tylli ki kreh wa lait da ki District Selection Committee,” da ong u Reachingson.
Discussion about this post