Khlem em wa jop hapyrdi ka Nangbah Mulang wa ka Mooknor Thadmuthlong ha ka Super Division ka WJDSA

Ka 17^th U Kiang Nangbah Memorial Trophy kawa man leh ka Super Division Football Tournament 2025 ka West Jaiñtia District Sports Association (WJDSA) dapoi ko cha ka yaleh wa san ynne ka sngi.

Ka yalehke wa da pynman da kut ko da 2-2 hapyrdi ka Mooknor Thadmuthlong wa ka Nangbah Mulang.

Ka Nangbah Mulang da thap chwa ko ar kool lyngba u Shanhok Siangshai ha ka minit wa 31 wa 59 tangwa chwa u kut ka yalehke, ka Mooknor Thadmuthlong da thap ko kawi hadien kawi lyngba u Manhok Suchiang ha ka minit wa 90+1 wa 90+3.

Ka yalehke wa bood u pynman ha ka 04-11-25 hapyrdi ka Chutwakhu wa ka Khimusniang heipor 2:00 waje i sngi.

Related posts

Daw pynman ya ka Trial yong ka AIFF-FIFA Academy ha Shillong neibynta ki khynnah chynrang wa kynthai

February 2, 2026

Pdengshakap Football Tournament: Psiah Quarter Final sa ka Border Line FC waka Pohplet FC

February 1, 2026

Ynne da pynman leh ka yalehke ka 1^st Women’s League heiwa ka Ladthadlaboh da jop ko ya ka Q.C.S Football Women Club da 13-0.

Ya kini ki kool da thap da ka Daphimon Khyriem ha ka minit wa 3, 11, 18, 22, 29, 30 wa 54, ka Prema War ha ka minit wa 7, 12 wa 42, ka Risaka Phawa ha ka minit wa 23, ka Diwali Dkhar ha ka minit wa 35 wa ka Naki Ksoo ha ka minit wa 57.