U Symbood Montri Rangbah uwa man leh kam u heh ka NPP, u Sniawbhalang Dhar da pynsñiaw u yei kmen yei rai u MLA ka Mylliem, u Ronnie V Lyngdoh wow psiah cha ka NPP wei da ong u wa da leh u yeini khlem da em wa pynboor oo næ deiwa booh kyndon.
U Sniawbhalang da ong u wa ye u man wa u Ronnie da yoo u yei rukom kreh ka sorkar wa kattæ wei ini da pynman ya oo wow psiah cha ka Party.
Hawa kylli wa ye u em i yachruit hapyrdi u Ronnie wa u MLA warim ka Mylliem, u Hamletson Dohling, u Sniawbhalang da ong u wa ini ym pu man wow yaklam neibhah wa ka Election sa le snem u man ko deiwa pynrap wa ka Party daw leh ko yeiwa emkaam manda poi itæ i por deiwa ong leh wa ka NPP toh kawa khlan wa kawa ryntih.
Heiyatoh wa ini i wan psiah ki MLA cha ka NPP, u Sniawbhalang da ong u wa sñiawngooh u wa pynyoo ki bru yei chaniah ya ka NPP deiwa pynrap wa u Ronnie da psiah u khlem da paan ya ka chuki Montri sorkar wei yeiwa ye u pynkhamkti ha oo daw chim rai won hadien.
Discussion about this post