Khlem yoh kem kiad kem poisa ha ki sngi yalap Election ka KHADC wa JHADC

Ka sorkar jylla da pynkhreh ko wow pynman ya ka Election MDC cha ki ar tylli ki Autonomous District Council (KHADC wa JHADC) yow man ki kiwa lai bait lai ryntih heiwa ka thap Vote u man ko ha ka 21 tarik katwa ka niaw Vote u pynman ha ka 24 tarik uni u bnai.

Neibynta kani ka Election ka sorkar da pait khmat ko leh cha ki thaaiñ khappood wa kynthup ha ki khappood ka jylla waka Bangladesh yow man ki kiwa lai bait khlem i chah pynthut.

Hawa klam wa ki laad pathai khubor ynni ka sngi, u Chief Secretary ka jylla, u DP Wahlang da khana u wa dadep yaklam wa u Chief Secretary ka jylla Assam uwa da pyntikna wym em iwon iwon i pynthut ya kiwa lai thap Vote Election ha ki thaaiñ khappood.

Ini i yaklam ka sorkar jylla wa ka sorkar Assam toh hadien wa da mih i chah khang ki kyrtong wow lai yalap Election ha ki kattu katni tylli ki chnong ha khappood wa ka Assam.

Related posts

Dam kiwa chong chnong ka Tangnub wow lai thap Vote cha ka Election MDC

February 22, 2025

Ku cha 72.45% kiwa thap Vote ka KHADC

February 21, 2025

Hawa kylli, uni u heh sorkar da khana u wa i chah khang ki kyrtong wow lai yalap Election ha khappood toh neidaw wa khlem pyntip chwa ya ki bor wa toh u pait yong ka thaaiñ wa daw em i lai luti næ wow lai yalap Election.

Hawa kylli hajrong wym em i chah kem poisa, i kiad wa kiwi kiwi kamwa jooh man ha kiwi ki Election, neiliang u Chief Secretary da ong u wa ka Election cha ki District Council toh kawa rap khian, wei ym em da chongchit kam ha ka Election MP wa Election MLA, deiwa pynrap leh wa najrong ka Election wa khian, da em leh kiwa boon wa pynman ya ka Common Platform, i pynlut leh da duna, wei ye u man na kani ka daw wym em yoh u khyrrup poisa næ kiad heipor wa yalap Election.

Heiyatoh won wa i pynlai bait ya ka Election, da ong u wa ka sorkar da pynlum pynlang khubor ko na waroh ar thaaiñ, katæ ka Khasi Hills wa Jaiñtia Hills, wei i pynkhreh man ko kawa biang, heiwa da pynbiang ya ki bor ka aiñ wow pait wow yoo ha waroh ki thaw wei da chimkhia ya ki thaw thap Vote (Polling Station) kiwa ye u mih i kajia wa kiwa suba wa em i maa, kamjooh leh da chimkhia bha ha ki thaw thap Vote kiwa em ha ki thaaiñ khappood deiwa wanrah ki pulit na Garo Hills.