Ha ka lehkmen dap 50 snem ka jylla ynne ka sngi ha Shillong kawa da wan chimbynta da ki bru wa da chah khut sñiawbha kawa dang lai chakhmat kattæ deiwa emlang u Symbood Montri Rangbah, ki Montri sorkar, ki MLA, ki sahep sorkar wa kiwi de tangwa uwa wiar na kani ka lehkmen toh u Montri Rangbah ka jylla, u Conrad Sangma.
Katkam ka khubor wa da yoh da ong wa da hap chong pynkyrpang u ya idæ hadien wa em ki dak ki chin wa chitom kamtæ yei klam yong oo da pynkhreh deiwa riñ da i Video na i thaw wa em u.
Hawa e yei klam, u Conrad da pyntip u wa ynne i step da sdang u wow sñiaw chitom malu mala deiwa yoh synrum wei hadooh wa dep u wow yoh ya ka Test da rai u wow dam chwa u lai mih chimbynta ha ki yalang paidbah. Da kyntu u leh ya kiwi wow em yei jooh i kitkhlieh lada sñiaw chitom ki.
Kamtæ da e khublei u ya waroh kiwa chong chnong ka jylla kamjooh ya ka Manipur waka Tripura kiwa ki leh da lehkmen ki ynne ka sngi yei yoh jylla.
