Khlem yohbor na ka JHADC pynkreh ka Company ya u Surok Jowai-Malidor

Jowai : Ka company ya kawa da tip kam ka GR Infrastructure kawa da pynkham wow chna pynmiat ya u surok Jowai-Malidor hei lut kamwa T. 452 klur da sdang ko yei kreh ya uni u surok ha ki bynta ka East Jaiñtia Hills.

Ini i kreh da sdang i nadooh u Thohlakhmi (February) 2016 wei da lai i chaaid chaaid. Ynne ka sngi da yoh u yachem wa u CFO ka JHADC u ma F. Blah heiwow yoh i pynche na oo hei yatoh weini.

Neiliang u ma Blah da pyntip u wa hadooh ynne ka sngi kani ka company wa kreh ya u surok ym pu em u yoh ko iwon iwon i bor na ka JHADC kam ka Trading License, ka bor wow pam ya ki dieñ kiwa daw chah ktah ha ini i kreh.

Da pyntip chooh chooh u wa dang ynne ka sngi u Ranger ka Forest yong ka JHADC da lai li pait li sylli ki ya ki dieñ kiwa daw chah ktah weiwa ini daw ye u pyndep ha waroh chi lynter heipor kamwa chi bnai.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Heijooh i por kani ka company ym pu em u yohbor ko u kit weiwow chalan ya ki chyiap wa ki moo wow pynemkaam heiwow chna pynmiat ya uni u surok.

Neini i leh embor ka company daw ktah joor ko ya ka yarong poisa ka JHADC khamtam i bor ka JHADC iwa dang tlot katdang mih ki sngi.