Jowai: Ka Khasi Students’ Union (KSU) Mynksan Unit da pynsñiaw ko i sñiawkhia wa joor bha yei wym bien ka tnat MeECL wow chimkhia hajrong ki phang dawa yong ka seiñ hadien wa da dep yachem leh ya u Executive Engineer ka Jowai Distribution Division MePDCL wa u Asst. E.E haka 21-08-2013 Ref.No.KSU/MYN/04/13 wa ha ka haka 24-07-2015 Ref.No.KSU.Myn/07/15. Ha i yachem la arsien ya kini ki heh yong kani ka tnat da kular ki wow chimkhia tangwa ym em leh ki iyi iyi hei yatoh wa ini i kaam.
Ka seiñ da ong ko wa da yang i ma ya ki paidbah wa chong chnong ka Mynksan wa em artylli ki chrot light kiwa em hajan yung bru wa i luti lai ki bru kiwa da baam ka sarah kiwa ye u kheiñ u oor heiwon iwon i por tangwa neiliang ka MeECL da pynchna ko malum mala da ki dieñ tangwa kattæ leh da joor ware i baam ka sarah kini ki chrot light ye ki u oor heiwon iwon i por.
Ka KSU Mynksan Unit da ong ko wa lada jia iwon iwon ya kiwa chong chnong ka tnat MeECL haap bah khlieh ki neibhah ini i dawa ymtoh kiwa dang ini wei ka seiñ da dep ko u booddien boonsien ya ini.
Hajrong kani ka KSU Mynksan Unit da ong ko wa ya ka Bill Light dawan e man u bnai ha kani ka chnong, i leh won ya ki chrot light ym ye ki u lai pait tang chisien chisnem.
Kamtæ ka seiñ da kyntu ko ya ka MeECL wow li kylliang noh wut wut ya kini ki chrot light chwa wow em iyi iyi i jia wa sñiawsih.
Discussion about this post