Jowai : Kani ka juk man ko ka juk wow pynsuk ya ki paidbah ha kiwa boon ki liang, iwi na kitæ toh i pynemkaam ya ki ATM næ ki Automated Teller Machine.
Ki ATM man ki ki kor heiwa waroh ki Bank da booh ya ki yow pynsuk ya ki paidbah hei wow sai næ phah poisa khlem da lai cha Bank næ khlem da yang wow wai ki Bank.
Ha kini ki kajak sngi wa da lai da ood ki paidbah neidaw wym krehkaam kini ki kor ATM ha kylleiñ ka Chnong Jowai.
U L. Pale na Jowai da ong u “Nadooh ka janmiet ka 24 tarik uni u bnai da lai O cha ki ATM wapher wapher wa em ha Jowai kam ha Iawmusiang, Ladthadlboh tangwa ym krehkaam ki” da ong .
“Sñiawsih chooh chooh wa hadooh ynne ka sngi ka 26 tarik leh ym em poisa kini ki kor, lada kamni chah pynchitom hi eh i ki paidbah khlem em iwon iwon i daw em hok hi ma-ai ki bank u leh kamni” da pynrap biang u ma L. Pale.
Neiliang u WYRTA da pyrchang u wow yaklam wa kattu katni ki bank yow pynche ki yeini tangwa katwa man ko ka chuti ym ye u yoh yutip iyi iyi leh.
Discussion about this post