Kiwa sikai skur ka jylla hapoh ka lama Meghalaya Government LP School Contractual Association da phah chithi ki cha jar jiar ki yung wa ki khon yong ki deiwa ong ‘Khon em i heini neibynta u kpoh yong phi’, wei ya ini da ong da u Birbor Riangtem, uwa man uwa sikai ka Langnongdai LP School, West Khasi Hills District.
U Birbor da ong u yeini hadien wa lai yachem ki ya ki MLA ka Congress ynne ka sngi ha Madan Malki, Shillong ka thaw wa chong chah thngan ki kam chibynta wow dawa na ka sorkar wow thung kreh biang ya ki.
Da pynkynmoo u leh ya u Montri Rangbah ka jylla u Conrad K Sangma, wa u pa yong oo, u (T) P.A. Sangma uwa jooh man uwa sikai skur ha ka jylla, kat u yoo won kam u khon ileh man u kam uwa pyndooh kreh ya kiwa sikai.
Chooh chooh da ong u wa i kaamram kiwa sikai skur wa chim ki kam ka lyngkor wow pynstat ya ki khon, ka jaitbru wa ka ri waroh kawi, tangwa ya ki wym toh u yoh, ka sokar e ko, katwa ya kiwa sikai won beh ko ki.
Hajrong itæ kiwa sikai ym em ki ya ki tiar yaleh, ym em khnam ym em ryntieh, ym em soom næ em suloi wow yakhun ya ka sorkar katwa kamtæ joo su ki um-khmat wa kordor na ki.
