U President ka Mawlai Peoples Grievances Forum, u Marbud Dkhar uwa da mih chakhmat wow kyrchaan ya ka yakhih kiwa yah kari kamai, ynne i janmiet da klam eh u hajrong i lai yaklam yong kawi won ka kynhun wa ki bor pynlai District ka East Khasi Hills neibynta wow pynku ya i ka dor bai kari.
Da pynsñiaw yei lyngngoh, deiwa ong wa ka JAC ym tipmit ko ya kitu ki kynhun, wei toh na kam kini ki daw wa da khor ka yakhih ka jaitbru wa ki em ki i yong ki hi ki wakreh wow pynmih kulmar.
Da kyntu u leh ya ka Deputy Commissioner wa ym toh u yah bakla ya ki paidbah, neibhah ka MJACCV ka da thoh che ko du wow pynbait næ wow pait bniah biang ya i dor ym toh wow pynku, wei ya ini toh u leh na ka sorkar jylla ym toh nei bor yong ka DC.
Da ong u wa ka Meghalaya Joint Action Committee of Commercial Vehicles ka yieñ bait ko ha ka yurim wa ka sorkar toh u pynhiar ko ya i dan yong ka Petrol wa Diesel, deiwa pynrap wa i rai yong ka JAC u man ko haka 13 tarik uni u bnai hajrong i wym mano ka sorkar.
