Ki lok ki jor ki kur ki kha,
Khubor hamsaya kylleiñ da bna;
Kiwa chim kabu u pynbiej paidbah,
Ham kheiñ ya ki kam ki rangbah.
Ya pyrkhat bha ham biej i manbru,
Ham ap yei pynchoi ki Laty’ab ki Hulu;
Sumaar syndong jar i yung i sem,
Kiar bha na ka bih yong ini i tdem.
Kam kini ki por ki sngi,
Boon kiwa pynpoor khubor hamsaya donhi;
Chawah chaneñ sñiaw tieñ wow ap,
Manda pyrkhat bha du ki wymrap wymsap.
Kiwa ngait biej da hær rngu,
Wa tieñ wa kyrbeh da wiar wei yong bru;
Hei thaw u chait yoh pathan dei kjut,
Nei daw wa tbian i thih i mut.
Discussion about this post