Shillong: Ka Meghalaya Sarva Shiksha Abhiyan School Association (MSSASA) Central Body ynne ka sngi da lai yachem ko wa u D.P. Wahlang, Principal Secretary Education Department Govt. of Meghalaya yow pynsñiaw ya kiwa boon ki moochynthut wa chem kiwa sikai hapoh ka SSA hadooh wa ye ki u chah pyndooh kaam noh.
Katkam ki kyndon ka Ministry of Human Resource Development (MHRD), Department of School Education & Literacy kiwa sikai ha ki kyrdan Elementary School (LP & UP) ki wym biang ka kyrdan puræ puthi katkam ka kyndon ka aiñ RTE 2009 hanlada sikai ki ha ki skur wa pyllai da ka sorkar, wa yarap ka sorkar hadooh ki skur samen daw chah pyndam kreh noh ki ha ka 01.04.19.
Kamtæ haap pyndep ki ya ka Diploma in Elementary Education (D.El.Ed) wei man ko i kitkhlieh yong ka sorkar wow pyntikna wa kiwa sikai ye ki u pyndep ya kani ka D.El.Ed.
Ya kiwa sikai Elementary ki wym poi katkam ki kyndon wow yoh u yaleh D.El.Ed iwa 50% ha Class 12 (45% ya ki SC/ST/OBC/PH) haap yaleh Exam Class XII biang ki yow ye u yaleh ya ka D.El.Ed.
Yow pynpsiah pyrtuid ya kiwa sikai ki wympu dep ya ka D.El.Ed hapoh ka website ka NIOS kawa pyllai ya kani ka De.El.Ed da booh tarik 16.08.17 hadooh ka 15.09.17 wei ki wym ye u leh yeini ye ki u chah pyndooh kaam noh.
Hei yatoh wa ini waroh ka MSSASA da kylli ko wa iyi wa da leh ka sorkar wow pyndep yeini neibhah ini da man i ka laad wa khaddooh ya kiwa sikai wow pynhun ki ya ki kyndon ka RTE wei da em kiwa sikai la 13 snem wei manda chah pyndooh kreh ki man ko kawa sepai ya i chakri wa da e ki cha ka jylla.
Neiliang u D.P. Wahlang da kular u wow pynpsiah pyrtuid noh ya waroh ki wympu dep ya D.El.ED wei daw phah u leh ya waroh ki Sub-Divisional Schools Education Officer (SDSEO) hapoh ka jylla waka Directorate of Educational Research & Training (DERT) yow leh ki yeiwa emkaam.
Discussion about this post