Ka All Jaiñtia Cement & Clinker Transporters’ Association (AJCCTA) lyngba u President yong ka, u Balen Thubru ynne ka sngi da pyntip u wa ka seiñ ye ko wow chim ya i yakhih pyrchah ya ki Toll Plaza kiwa em ha tymbud u sarokbah wa kynthup ya kiwa em ha Dieng-Pasoh, Ialong wa ha wah ka Lumshnong hajrong wa chim ki ar chah ya ka bai kari.
Neiliang ka AJCCTA da chong yalang ko ynnin ka sngi ka 16 tarik ha yung krehkaam yong ka ha Lumshnong heiwa da rai wow khut ya ka yalang paidbah ha 20 tarik uni u bnai heipor 11:00 i step ha Ynñiaw-Mer wow chim rai hajrong ka dan wa chim ha ki Toll Plaza iwa da ktah ym du ya ki kari kamai tangwa wot ya ki kari samen leh kamjooh.
Neiliang u President wa u Secretary ka AJCCTA, u Balen Thubru wa u Kyrshan Dkhar da kyrpaad joor ki leh ya waroh ki kari kamai wa ki kari samen wa ki seiñbhalang kamjooh wa ki bru samen wow wan cha kani ka yalang khnang wow yoh yeiwa thmu.
Ini toh katkam ka Wyrta na u Kyrshan Dkhar, uwa man kam u Secretary ka AJCCTA.
Heijooh i por da kyntu ya waroh ki seiñbhalanag, ki bru paidbah wa ki bru samen wow wan chaphrang wow pyrchah yeini i chim bai psiah ki Toll Plaza iwa ar chah ha u sarokbah.
