Hadien wa hiar dor i Petrol wa i Diesel, kiwa boon ki paidbah da kwah ki wow pynduna ya ka bai kari kamai hapoh East wa West Jaiñtia Hills District heiwa da em leh ki seiñbhalang kiwa da kyrpaad wow pynhiar ya ka bai kari neidaw wa ood ware ki paidbah.
Kamtæ neiliang ka All Jaintia Tourist & Commercial Vehicle Association (AJTCVA) da pyntip ko lyngba kani ka khubor wa daw pynman ya ka yalang wa kyrpang ha ka 19 tarik uni u bnai ha Paradiso Conference Hall heipor 10 waje i step heiwa ka Association daw pynsñiaw ko hajrong ka phang yong ka bai kari wei wow pyrkhat lang kammon wow leh neibynta kiwa boon wa lang nadooh kiwa kamai kari kiwa im-ja na ini i kaam.
Ka Association da khut ko ya ki seiñbhalang kiwa da dawa wow pynhiar yei bai kari wow wan cha kani ka yalang, heijooh i por ka Association da khut ko leh ya ki synjuk yong ki Waheh Chnong ka Ri Jaiñtia wa ka synjuk yong ki Waheh Chnong yong ka chnong Jowai wow sñiawbha ki wow phah ya ki bru yong ki cha kani ka yalang khnang wow ye u pynbait neibynta i bha i miat ha ka imlang sahlang khamtam heiyatoh wa ka bai kari.
Ka kyrwoh na u Mihsalan Dhar, Publicity Secretary ka All Jaintia Tourist & Commercial Vehicle Association.
