Khut ka Albin Lamare Memorial Sec. School ya kiwa kwah wow thied ki Stall ka Fete

Ka Albin Lamare Memorial Secondary School Nangbah daw pynman ko ya ka Fete Yadaw Masi wa daw wan chimbynta da ki masi wa bna naam yong ka Ri-loom Jaiñtia ha ka 17 wa 18 tarik u March 2026 ha Madan Dukhu Nangbah neibynta wow pynmih poisa ya ka skur.

Hei miet ka 17 tarik heipor 10:00 waje daw em ka Bumper Housie keiwa ka Prize Pool man ko Rs. 2,00,000 kawa da yabhah kamni:

1st House- Rs. 1,00,000

2nd House- Rs. 30,000

Joly 7- Rs. 10,000

Jolly Ten- Rs. 10,000

 All Lines- Rs. 10,000

Bad Luck Rs. 10,000

I dor Ticket man ko Rs. 300 chi Card wa Rs. 500 le tylli ki Card.

Ha kani ka janmiet daw em leh ka DJ Night yow pynchit pynkmen da u DJ Exitosa nadooh i por 7:00 waje i miet.

Ha ka 18 tarik won nadooh 10:00 waje i step daw em ki yalehke wa boon jait kam ki chaad tynre wa kiwi ki kaam wow pynka-it kasar deilang ki jait baam wa harukom.

Heipor 7:00 waje i miet daw em ka 2nd Miss Latuthiñ heiwa kaw jop daw yoh ko Rs. 20,000, ka 1st Runner Up Rs. 15,000, ka 2^nd Runner Up Rs. 10,000.

Daw em leh 5 tylli ki Subtitle kiwa mar Rs. 2000 wei ka bai Registration man ko Rs. 500 samen chwa ka 7 tarik u March 2026, ka bai Ticket ya ki paidbah man ko Rs. 100 samen.

Kamtæ heiyatoh wa kani ka Fete da khut Tender leh ya kiwa kwah wow thied ya kini ki ha wah:

Khruk Khruk- Rs. 50,000 (ar miet)

Barbeque- Rs. 7000 (arsngi armiet)

Khwe Umsoh- Rs. 2000

Dat Tin- Rs. 2000

Pynskit Tyre- Rs. 2000

Shoot Ball- Rs.2000

Alumuri Pani Puri Momo- Rs. 4000

Car Race- Rs. 2000

360 Camera- Rs. 8000

Lucky Dip- Rs. 2000

Tun Kyrwiang- Rs.1500

Ya kiwa kwah wow thied ya kini ki Stall hap ki wow wan ha Albin Lamare Memorial Secondary School, Nangbah haka 7 tarik uni u bnai March heipor 8:00 waje i step.

Yow tip rap bniah ye phi u Phone ha kini ki Number- 8787473533, 8132001830, 9366835118.