Ha ka yalang wa da man ynnin ka sngi ha yung krehkaam ka BJP-West Jaiñtia Hills, Jowai da rai wow chimbynta ha kani ka MDC Election cha ka JHADC kam chibynta i angnood kiwa boon walang.
Ha ka yalang da rai wow pdiang Application kamjooh ka Bio-Data yong kiwa thmu wow yaleh ya ka Election MDC cha ka JHADC hapoh ka 30-12-24.
Ya kani ka yalang da pynlai da u President ka West Jaiñtia Hills, u Firstborn Manar, heiwa da emlang leh u Returning Officer Cum State Vice President yong ka jylla, u Khrawbok Basaiamoit heiwa da batai che u wa kammon u pynkhlan yei rukom krehkaam yow yoh ka Party yei jop.
U Commanderful Sana, District President yong ka East Jaiñtia Hills District da ong u wa da toh wow sñiawthooh ki paidbah yei kjut ka Council da ki boon boon snem wei du ka BJP donhi ka Party wa ye wow thooh laad wow pynbha yei kjut kiwa maa tam kiwa em hapoh ka JHADC.
Chooh chooh da ong u wa emkaam u psiah namo embynta chirup kiwa chna aiñ khnang yow dam wow chah ktah hadien, wym toh wow rman chalait cha baar donhi dei wow pynsñiawthooh bakla ya kiwa boon walang.
U President warim yong ka West Jaiñtia, u Chaphrang Lyngdoh ong u wa emkaam wow pynim ya ka Party dei wow chimbynta ha kani ka Election.
U Moonlight Daw uwa man u General Secretary ka BJP-WJHD da ong u wa kiwa kreh ka Council da chitom bha ki na waroh ki liang wei toh u tip noh ki wa kayi ka Party wa ye wow wanrah ya ka Direct Funding kamjooh ka aiñ wa ki Scheme khnang yow im ka jaitbru Pnar, wei kayi ka Party wa emyatoh wa ka sorkar pyrdi.
Ha kani ka yalang da emlang u Karbar Tyngkan, Vice President ka WJHD, u Ripil Phawa, General Secretary ka EJHD, ki District Official, ki Mandal President wa ki Secretary.
Kiwa Apply ye phi u yoh pynche deiwa Phone ha kini ki Number: West Jaiñtia Hills-8787410292, East Jaiñtia Hills-6009382328.
Discussion about this post