Jowai: Ka CoHSO da pyntip paidbah ko wa daw em ka Dorbar Bah ki khon Ynñiawtrep wow pyrchah ya ka Citizenship Amendment Bill, 2016 ha ka 31-01-2019 nadooh 11:00 waje i sngi heiwa daw em ka lai paidbah na Jaiaw Loom Thang-bru ka wow pynkut ha Madan Student heipor 12:00 waje i sngi.
Ka CoHSO da khut ko ya ki khon ka bri Ynñiawtrep wow yawan pynyoo kam ka jaitbru man ko kawa yatylli pyrchah i thmu pynman aiñ ya ka CAB.
Da kyntu ya waroh ki MP, ki MLA, ki MDC, ki Synjuk Rangbah Shnong wa kiwi kiwi wow yawan cha kani ka yalang.
Da ong ko leh wa ka Citizenship Amendment Bill toh ka phang wa ktah yei im i yap ka jaitbru wei lada kheiñstiñ ya kani ka kaam, ymslem de ka jaitbru daw man broo ko.
Kani toh katkam ka khubor na u Roy Kupar Synrem, General Secretary HYC CEC neibynta ka CoHSO.
Discussion about this post