Ka Dorbar Ki Waheh Kur Ri Jaiñtia da pyntip ko cha phi ki President, ki General Secretary, kiwa kitkaam chynrang wa kynthai yong ki seiñ kur deilang ki dorbar kur wa em ha Ri Jaiñtia wow wan cha ka dorbar paidbah ki heh kur kawa daw pynman ha ka 21-06-25 heipor 10:30 i step ha Yungwalieh ka Chiliangraij, Jowai.
Kamtæ da kyrpaad ya phi khamtam kiwa dadep pyntip cha ka JHADC wa ya waroh ki Kni, ki waheh kur chynrang wa kynthai wow pynlait por khnang khnang wow wan chimbynta ha kani ka dorbar heiwa daw yaklam ya kini ki phang ha wah:
I dawa na ka JHADC wow tipmit wei wow chna da ka aiñ ya ki kur, ki seiñ kur, ki waheh kur ka Ri Jaiñtia wei wow dawa na ka sorkar wow pyndooh noh ya i kyntien Synteng wa kiwi ki jaitbru ki wym toh ki tre ri wa em hapoh ka jylla Meghalaya.
Daw yoh leh yei pyntip na u G.H. Bareh, General Secretary yei krehkaam ka Dorbar Ki Waheh Kur Ri Jaiñtia neibynta u snem 2024-25.
I pyntip na u A.N. Muksor, Treasurer hajrong ka poisa ka Ka Dorbar Ki Waheh Kur Ri Jaiñtia.
I pdiang ya ka chap (Logo) ka Dorbar Ki Waheh Kur Ri Jaiñtia wei wow pynthymme ya kiwa kitkaam ka Dorbar Ki Waheh Kur Ri Jaiñtia neibynta u snem 2025-26.
Discussion about this post