Khut ka Indian Air Force ya kiwa kawa u yaleh yow man kam ki Agniveervayu (Musician)

Ka Indian Air Force da khut ko ya kitu ki chynrang ki wym pu em kurim cha ka yaleh kreh namo ka Recruitment Rally kawa daw pynman ha ka 12 wa 15 tarik u Naikhynde (Sep), 2023 neibynta ka jylla Assam, Arunachal Pradesh, Nagaland, Manipur, Mizoram, Tripura, Meghalaya, Sikkim wa West Bengal kawa daw pynman ha 11 ASC, VIP Chowk, Borjhar, Guwahati, Assam.

Kani ka Recruitment Rally ka IAF toh yow man kam ki Agniveervayu (Musician) neibynta ka Agniveervayu Intake 02/2023.

Kiwa yaleh kreh toh u man ki kam kiwa chong chnong ka India ki wym pu em bia em kurim kiwa kha hapyrdi ka 26-12-2002 wa 26-06- 2006.

I por wow hap poi cha kani ka thaw wa pynman ya kani ka Recruitment Rally toh heipor 6:00 waje i step ka 12-09-23 kamjooh leh ha ka 15-09-23 wei kiwa poi hadien 10:00 waje i step ym pdiang de ki.