Ka ITI Khliehriat da pyntip ko wa da khut Admission ko neibynta kiwa kwah wow yoh yei chah sikai namo ka Training hapoh ka Craftsmen Training Scheme neibynta u snem 2025-26.
Ya ki Form ye phi wow yoh Online deiwa lai ha https://dectmeg.nic.in/ kamjooh yow tip ya ki kot ki sla (Certificate) wa emkaam.
Kiwa kwah wow leh da ka Offline Admission ye ki wow wan mih cha yung krehkaam ka ITI Khliehriat heipor wa man kreh deiwa rahlang wa ki kot ki sla wa emkaam.
Ya ka Registration neibynta kani ka Admission wa thymme u sdang ko nadooh ka 16 tarik uni u bnai June 2025 wei daw kut ko ha ka 31 tarik u July 2025 heipor 5:00 waje i janmiet.
Ki jait sikai namo ki Trades wa da khut man ko neibynta ka Driver Cum Mechanic (LMV) neibynta kiwa da Pass Class-8 wei kani man ko 6 bnai wei daw pdiang ya 20 ngut.
Sa kawi won toh ka Surface Ornamentation Techniques (Embroidery) neibynta kiwa da Pass Class-8 wei kani toh kawa chi snem wei daw pdiang 20 ngut.
Ka Computer Operator and Programming Assistant toh neibynta kiwa da Pass Class-10 wei kani man ko chi snem wei daw jied ya 24 ngut.
Ka Cosmetology leh man ko neibynta kiwa da Pass Class-10 kawa chi snem wei ha kani leh daw pdiang 24 ngut.
Ki kot ki sla wa emkaam wow pynbiang neibynta kiwa leh Online kamjooh Offline toh i dur Passport Size, ki kot wow pynsakhiat yei rta (Birth Certificate/SSLC Admit Card/SSLC Pass Certificate), ki Mark Sheet (Class-8 næ Class-10 katkam wa emkaam).
Yow tip bniah ye wow wan mih cha ka yung krehkaam yong ka ITI Khliehriat wa em ha Sub-Division Office warim ha Khliehriat wei ye leh wow Phone ha kini ki Number-8837267102/7629907830/7628025511 wei i por Phone toh nadooh 10:00 waje i step hadooh 5:00 waje i janmiet.
Discussion about this post