Ka sorkar Meghalaya hapoh ka Urban Affairs Department lyngba ka Jowai Municipal Board da pyntip ko wa daw chna ya ka Scientific Sanitary Landfill namo ka thaw noh jhep waka Waste Processing Centre neibynta ka chnong Jowai.
Kamtæ lada em kiwon kiwon wa kwah wow dai lane tyrwa yei thaw yong ki yow ye u pynemkaam ya iwa da kdaw haneiñ ye ki wow wan chakhmat deilang wa iwa thmu ki wow leh (Proposal) deilang wa ki Photo Copy ki kot ki sla i thaw waka Survey Map cha ka yung krehkaam ka Jowai Municipal Board ha lane chwa ka 03-07-23.
I thaw toh u man i iwa heh palat 50 Acre.
I thaw noh jhep toh u jngai i 100 meter na kawon kawon ka wah, 200 meter na kawon kawon ka nan, 200 meter na kawon kawon ka sarokbah, i thaw sah ki bru, ki Park wa na ki thaw taan um (Water Supply Wells) wa 20 Km na ki Airport wa Airbase.
Kani ka thaw noh jhep ymtoh u em ko ha ki thaw wa jooh chlai um ha ki 100 snem wa da lai, ki thaw wa chong um, ki thaw wa im ki mrad wa da yada da ka aiñ wa ki thaw kiwa daw chah ktah deiwa noh jhep.
