Ka Jaiñtia Students’ Movement (JSM) lyngba u President Rangbah, u Leningstar Rymbai lyngba kani ka khubor da khut sñiawbha ya ki para ri waroh kyrpang ya kiwa chong chnong hapoh Laskeiñ Block cha ka yalang paidbah yow pynsñiaw cha ka sorkar wow chna ko da ka Civil Sub-Division neibynta ka Laskein.
Ka Jaintia Students’ Movement (JSM) deiwa ya krehlang wa ki paidbah wa chong chnong ka Laskein Block, da ka khut kyrpaad ko ya phi waroh nadooh ki seiñ wa kreh mon sñiawbha, ki dorbar chnong na waroh i bynta yong ka Laskein Block, ki paidbah wa chong chnong nadooh ki khynroo khyllood ki waheh wasian, ki seiñbhalang, ki khroo pyrkhat ka ri, kiwa mihkhmat u ya embyntalang deiwa poi cha ka yalang paidbah kawa kongsan kawa da booh u pynman ha ka 30 tarik uni u Naisaphra heipor 10:00 waje i step ha madanbol ka Mukhap, Laskein Block, West Jaiñtia Hills District.
Ka thong wa kongsan yong kani ka yalang paitbah toh neibynta u wanlang kam ka imlang sahlang, kiwa chong chnong wow pynyoo yei sur kawa yatylli yow dawa na ka sorkar u chimkhia ko yei emkaam ki paidbah yong ka Lakseiñ Block da ka Civil Sub-Division.
Da kyntu ya waroh kiwa chong chnong yong ka Laskein Block wow poi cha katæ ka yalang paidbah kawa emkaam, neibynta u pynyoo i yei yatylli kam kiwa chong chnong neibynta ini i dawa wei i chimbynta yong phi daw pynyoo ko cha ka sorkar yei emkaam wow e ka sorkar da ka Sub-Division neibynta ka Laskein Block.
Discussion about this post