Khut ka Khooid Myntdu wow ya wan cha ka dorbar pyrkhat neibynta ka wah

Ka seiñ Khooid Ya Ka Wah Myntdu kam chibynta yow sñiawthooh ya ki daw wa chah pynjulor ka Wah Myntdu, ka seiñ da lai pait lai sylli ko nadooh ka 30-01-2021 ha tawiar ka wah nadooh na ka khar wa kai ko na Jowai By-pass Mihmyntdu hadooh wa poi khlieh Kaiksoo Pynthorwah, Ialong.

Ya ini i lai pait da yakhmat da u President u Khroo L Pariat, Vice President u Army Lipon, General Secretary u Dapherborn Suchiang, u Assistant General Secretary u Kyllimot Lhuid chirup wa ki dkhot ka Executive Committee ka seiñ wa ki kattu katni ngut kiwa chong chnong kiwa sñiaw emkaam u leh bha ya ka Wah Myntdu.

Katkam wa chem ka seiñ, ka Wah Myntdu hi ym em jakhlia ko, heiwa ha kiwa boon ki bynta da chem wa ka um dang khooid dang bang bha ko u dih u pynemkaam, ki dakha dang boon bha ki, ki dieñ heh leh dang boon bha ki tangwa ki bru wa pynkai taroi ya ka um na ki yung ki yong ki, deilang wa i noh taroi ki ya ki jhep, ki jri, ki plastic, ki klong kiad ha ki thaw baamdoh thaw uiñke wa i pynkai ait lyngba ki liar ki dooid na ki chnong toh kiwa ktah yaka wah.

Da chem leh yei noh taroi ki bru ya ki khyndaw, ki khyndaw bilat nawa tympra yung ha Jowai By-pass Mihmyntdu, ha Jowai By-pass warim, sarok Thomas Jones College-Dulong-Salaroh-College. I tih chyiap tih moo nadooh na yingkeiñ Myntdu Pynthorneiñ, ki bynta ka yingkieñ Treyongriang na liang chnong Demthriñ hadooh ha yingkieñ naar Khimusniang wa sa kiwi kiwi ki rukom leh taroi ki bru, iwa yoo maa bha.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Hajrong ini ka seiñ daw khut dorbar ko ya waroh ki Waheh Chnong wa kiwa krehkaam chnong, ki seiñ khynroo khyllood wa ki seiñ manbei yong ki dorbar chnong, ki seiñ warep kiwa em ha tawiar ka Wah Myntdu ha ka 20-02-2021 heipor 1:00 waje noh chariñ sngi ha yung dorbar ka Tpep Pale Jowai.

Ha kani ka dorbar daw yaklam sani bha, yow ya thooh laad kammon u ye yow khooid ka wah Myntdu kawa hadooh katni su na ka donhi wa dang yoh umdih umbaam cha yung cha pynthor, khamtam ka lær wa pynchait ya kiwa im ha chrooh ha krung yong ka Wah Myntdu.

Lyngba kani ka khubor da kyrpaad joor ya waroh kiwa chong chnong ha tawiar ka Wah Myntdu khamtam kiwa em ha u pood u ang ka Jowai wow ya wan embynta lang ki.