Ka seiñ Kiang Nangbah Iasiat Khnam Memorial Society (KNIKMS) lyngba u General Secretary yong ka, u Ruhi Syngkon da pyntip paidbah u wa ka seiñ kamwa jooh leh warom ko ya ka Sngiyap u Kiang Nangbah, ha uni u snem leh ha ka 30 tarik uni u bnai heitai i thaw yong ka hi daw leh warom ko ya i dap 160 snem wa da khlaad noh u Kiang Nangbah heipor 1:00 waje i sngi.
Ka seiñ da pyntip ko wa hachwa u poi katai ka sngi daw em ka yakob Short Play wa Drama Competition ha ka 23-12-2022, ha Yungwalieh Panaliar, Jowai, ka Drawing Competition kamjooh leh ka yasiat khnam pyllah wa kiwi ki ‘Sports Competition’ deilang waka Traditional Song Singing Competition ha katai hi ka sngi.
Kamtæ ka seiñ khut ko ya kiwon kiwon kiwa kwah u yachimbynta wow sñiawbha phi u mih chakhmat wow wan ya chimbynta deiwa e chwa i pyrtuid ha u General Secretary ka seiñ. Kani man ko ka dak wow yakrehlang heiwa kammon u pynphooh pynphieñ ya katai ka sngi dei ya chimbynta yong phi, heiwa i thmu ka seiñ leh u man i iwa jop neibynta u khlawait ka ri yong i.
Ka seiñ khut haroh ko ya waroh ki lok ki jor najan najngai wow wan ha katai ka sngi, yoh ko u man ka sngi waphooh waphieñ, wow pynkmen pynka-it ya u Kiang Nangbah na sangia, yoh won u kyrkhu kyrdoh ya warohlang i.
Sa chisien khut yei ya chimbynta yong phi ha kini ki yakob waphær waphær deiwa Phone ha kini ki Number: 9402102586, 9862320628.
