Jowai: Ka KSU lyngba ka Education Cell da khut ko ya waroh ki khynnah puræ ka jaitbru Khasi na ki College ki University waphær waphær, wow wan chimbynta ha ka lai paidbah wa khut pynman da ka Khasi Authors Society (KAS).
Ya kani ka yalang daw pynman ha ka 22 tarik uni u bnai nadooh 10 waje i step ha Madan Malki neibynta wow dawa na ka sorkar jylla wa ka sorkar pyrdi wow tipmit noh ya ka ktien Khasi ha ka riti synchaar ka ri India.
Ka seiñ da ong ko wa emkaam wow ya mih paidbah ha kani ka sngi wow pynneh pynsah ya ka ktien Khasi wei wow pynyoo yei yatylli neibhah ini i kaam.
Da ong ko leh wa hanlada em boon ki seiñ niam, kur wa hima tangwa em kawi donhi ka jaitbru wa i ktien wa yaklam wei katæ toh ka ktien Khasi.
Ka seiñ da kyntu ko leh ya waroh ki Principal wow chah ya kiwa lai puræ wow wan ki cha kani ka yalang kawa man ka yoh myntoi ya ka pateiñ wa ya ka ri waka jaitbru hi waroh kawi.
Discussion about this post