Ynne ka sngi kiwa yahkhmat ka KSU War Jaiñtia Circle wa kiwa yahkhmat ka KSU South Central East Circle da pynman ki yaka yalang wa kiwa khayi (Exporter) na War Mihngi wa na War Jaiñtia deilang wa ki waheh chnong yong ka thaaiñ neibynta wow ya phyllu yumut lang heiyatoh wa i thmu yong ka sorkar jylla wow sdang ya i khayi chapoh ka ri Bangladesh.
Haka yalang wa kiwa khayi, neiliang yong kiwa yahkhmat ka seiñ KSU da e yumut ki wa katwa ka sorkar jylla ym pu ye ko wow pyntikna wa ye ko wow e ki laad yada kiwa biang yow lait na iwa yabi u khñiang COVID-19 kamtæ ym pu toh u elaad wow sdang khayi moochuni cha ka ri Bangladesh neibhah katai ka ri kamwa man kattæ dang joor i ku smat u khñiang kjut COVID-19.
Ha ini i ya phyllu yumut lang, neiliang kiwa khayi (Exporter) wa ki waheh chnong da pdiang hun mynsien ki ya i e yumut kiwa yahkhmat ka KSU deiwa ya rai wow sangeh chwa ya i challan moochuni hadooh wow yoh yaki laad yada kiwa paka.
Ha i jooh i por, kiwa khayi da kyrchaan pura ki leh yei pyrchah yong ka KSU wym chah u wai yaka Import wa Export lyngba ka Tamabil Check Point.
