Ka Kur Suchen United Football Team da pyntip wei khut ko ya kiwa kyrchaan yong ka cha ka yalehke Quarter Final ka wow man ha ka 27 tarik u January 2026 pyrchah ya kawi ka Football Club wa khlan na ka jylla Mizoram ya kawa tip kam ka KOLASIB LENPUI-FC heipor 2:00 waje i sngi.
Kani ka lympung yalehbol toh kawa tip kam ka MLA Bijoy Malakar Knockout Football Tournament 2026 kawa da pynman da ka Ratabari Sports Association Shribhumi District (Karimganj Assam).
Ka Kur Suchen United -FT kawa mihkhmat ya ka jylla Meghalaya dadep ko wow pynrem ya ka Aizawl-SC da 4-0 wei da yoh ko wow psiah cha ka Quarter Final.
Kamtæ ka Kur Suchen United khut sñiawbha ko ya ki paidbah ka Bri u Ynñiawtrep kamjooh ki para jaitbru wa chong wa sah ha Assam wow wan kyrchaan ya ka neibhah wa dang man ko ka Team wa dang thymme.
Ka Kur da mihkhmat ko ya ka jylla Meghalaya wei ini man i burom yong waroh ki paaid Meghalaya, da ong u Streamly Nongjop Suchen.
Discussion about this post