Jowai : Ka Laskein Block Area Sports Association da pyntip ko wa ha uni u snem daw leh warom ya ka sngi laitlooid ka ri India ha Pamsna Mini Stadium, Laskein ha i por 8:30 i step.
Da kyrpaad ko ya ki skur, kiwa chong chnong wa marjan wa na jngai wa em hapoh ka Block Laskein wa u sñiawbha ki u ya wan ha kani ka sngi 15 tarik yow pynchongchit ya kani ka sngi heiwa u ma R. Syngkon, MLA & Parliamentary Secretary ka sorkar Meghalaya u man u kam u kongsan u wow pynhær ya ka lama ka ri kamjooh leh u chim ya ka salute ya ka March Pass.
Daw em leh ki yaleh drill, ki droma tbian wa ki chaad tynre na ki kattu katni ki school wa ki Sports Club.
Lada dang em kiwa kwah u yachimbynta ye ki u phone ha u No. 9856000885, ha næ chwa ka 13 Naisaphra, khnang yow suk u pynbait ya ka prokram.
Ya kani ka khubor da pyllait da u ma Rancha Lyngdoh, Hony. Secy. LBASA.
Discussion about this post