Khut ka NPP ya kiwa kwah u yaleh Election MDC cha ka JHADC

U MLA ka Jowai uwa man leh u State Working President ka NPP, u Wailadmiki Shylla, ynne chirup wa u CEM ka JHADC, uwa man leh u Advisor ka Party, u Thombor Shiwat da pyntip u wa ka Party da pynlait ko ya ki Form neibynta ki bru kiwa kwah u yaleh ya ka Election MDC ka wow wan cha JHADC.

Yeini da pyntip u hadien wa dep ka yalang yong ki heh ka Party wa kynthup ya u Sñiawbhalang Dhar wa u Comingone Ymbon.

Ya ki Form ye u yoh na Office ka Party iwa em ha Ladthadlaboh, Jowai heipor wa man kreh nadooh ka Monday hadooh Friday nadooh myntu hadooh wa kut uni u bnai kam ka Phase-I.

U Wailadmiki da pyntip u leh wa u pdiang ya waroh khlem pait lada em yatoh ki kyrtong namo ym em waka Party.

Related posts

Lai ood ki MDC ka VPP ha ka sorkar wym yoh Scheme sorkar pyrdi ha ki Constituency wa em ha sor

May 13, 2025

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Heiyatoh won ya u bru wow jied ka Party, u Wailadmiki da ong u wa daw jied ya ki bru ki wow chakri ya ki paidbah ha ka imlang sahlang.

Chooh chooh da ong u wa da yooluti wow yoh bru da kiwa chemphang wei kiwa da stat da tip.

Heiyatoh wa i yakreh wa kiwi ki Party ha kani ka Election, u Wailadmiki da ong u wa ympu em u rai iwon iwon hajrong itæ.