Ka Seiñ Kur Dkhar East Jaiñtia Hills District, ha u kyrwoh khubor wa da pynlait da kiwa yahkhmat yong ka kitæ u President, u Teras Dkhar wa u Adh. General Secretary, u M H Dkhar da pyntip paidbah wa ha u Naichiphaw (Oct) 2024, daw pynkup burom deiwa e da ka Excellence Award ya ki khynnah wa lai puræ yong ka Seiñ Kur Dkhar East Jaiñtia Hills District kiwa da lehbha deiwa poi ha ka kyrdan “Top 20” ha ki Exam Class-X wa Class-XII yong ki kamjooh leh kiwon kiwon ki Exam kiwa yaryngkat kyrdan wa ka Class-X wa Class-XII kiwa da tipmit da ka sorkar jylla namo da ka sorkar India.
Kamjooh leh ha katai hi ka jooh ka yalang, ka Seiñ Kur Dkhar East Jaiñtia Hills District daw pynkup burom wei e Excellence Award lang haroh ko ya kiwon kiwon ki khon yong ka Seiñ Kur Dkhar East Jaiñtia Hills District kiwa da jop ya kiwon kiwon ki jait yakob kiwa da pynman ha ka kyrdan State Level ter ter chaneiñ, kiwa da man kam kiwa wanrah burom ya ka Seiñ Kur Dkhar East Jaiñtia Hills District.
Ya katai ka pynkup burom wei i e Excellence Award u leh du ya kitu ki khynnah skur wa ki khon yong ka Kur Dkhar kiwa haap hapoh i kdup lane u pood u ang yong ka Seiñ Kur Dkhar East Jaiñtia Hills District kiwa da lehbha ha kitai ki kyrdan wa ki yakob wa da kdaw haneiñ ha u snem 2022, 2023 wa 2024 lait na kitu kiwa ka Seiñ Kur Dkhar East Jaiñtia Hills District dadep pynkup burom ko ha ki por kiwa dadep.
Kamtæ heiyatoh wa kani, ka Seiñ Kur Dkhar East Jaiñtia Hills District kyrpaad ko ya ki khynnah puræ wei ya ki khon yong ka Kur Dkhar East Jaiñtia Hills District wa lada em kiwa dapoi cha katai ka kyrdan wa ka thong jop waroh ar wa da kdaw haneiñ, u sñiawbha ki u phah ya ki kot ki sla wa emkaam yong ki kam ki Marksheet (neibynta ki khynnah puræ), ki Certificate, ki Residential Certificate chirup wa iwon iwon i kynja thoh namo i pynbna wa da pynlait namo pyntip paidbah da ki bor wa toh u pait ya kiwa kam kitæ kam wow pynsakhiat yei Pass namo i jop yong ki.
Ya kitai ki kot ki sla wa da kdaw haneiñ ye ki u pynpoi ha kti yong kitai kiwa yahkhmat yong ka Seiñ Kur Dkhar East Jaiñtia Hills District, kiwa da kdaw pyrtuid haneiñ namo deiwa chon dur (Scan) che bha, dep tæ phah lyngba ka Email, “[email protected],” lane ha kini ki WhatsApp Number (9615400135 7005208334), hapoh yong ka 18 tarik uni u Naikhynde.
Neibynta u tip bniah heiyatoh wa katai ka phang wa da kdaw haneiñ, ye u Phone ha kitai ki Mobile Number wa da e haneiñ.
Discussion about this post