Ka Seiñ Pynroi-Pynbha Amlarem da pynbna ko wa daw pynman ko ya ka yalang paidbah ha ka 31 tarik uni u bnai ha Syiem Jingsuk Hall, Amlarem hajrong wow dawa booh ya ka Sub-Divisional Hospital ha Amlarem kawa da dawa da ka seiñ nadooh u snem 2018 hadooh katni.
Tangwa ya kani ka Hospital da wai da u MLA ka thaaiñ uwa man leh kam u Montri sorkar ha Jarain PHC deiwa pynku kyrdan ka cha ka Sub-Divisional Hospital ha ka 20 tarik uni u bnai.
Kamtæ ka seiñ da ong ko wa da pyrchah joor ko ya ini i leh ka sorkar neibhah wa kani ka Hospital kawa da e pyrtuid leh Sub-Divisional Hospital iwa mut wa toh u em bait ko ha Headquarter ka Sub-Division ha Amlarem.
Hajrong ini, ka seiñ da khut da wer ko ya kiwa chong chnong wa ki bru wa em burom wow ya wan khlem pep ha katai ka sngi yow pyrkhat neibynta i emkaam ya ka Hospital kamjooh ka roi ka paar wa i myntoi yong ki paidbah Ri War Jaiñtia wa toh u yoh ki.
Da kyntu leh ya ki waheh chnong wow wan ki cha kani ka yalang khlem pep.
Ka wyrta na u Babyson Pakyntein, President, u Junior Lamin, Assistant Secretary wa u Hem Pohlong, dkhot ka seiñ.
