Ka Seiñkur Bahkhla Central Body kawa kynthup ya ka kur Rymbai, Ryngkhlem, Kyndait, Sana, Ksoo, Lyngdoh (Rymbai), Toi, Najiar, Lato, Thma, Chynret, Kyndiah, Rymbui, Pdein (Sana), Bang (Rymbai) wa Khaii daw pynman ko ya ka yalang Pynkup Burom (Excellence Award) ya ki khon ka Seiñkur.
Ini i pynkupburom toh neibynta kiwa wan chaphrang ha ki Exam waphær waphær wei kamjooh leh ki bru tymmen ka kur kiwa da kynjoh palat 90 snem i rta.
Ya kani ka dorbar ka Seiñkur daw pynman ha ka 26 tarik uni u bnai ha Wapung Chnong, East Jaiñtia Hills, nadooh 10:30 i step.
Hajrong ini neiliang ka Seiñkur da pyntip wei pdiang ko katkam kini ki Percentage neibynta u snem 2021 heiwa ha ka kyrdan SSLC, HSSLC toh u yoh 80% chajrong, Graduate 80% chajrong, Masters won 75% chajrong, wa kamjooh leh ki MBBS, Ph.D wa kiwi ki kyrdan wa chajrong.
Ki khon ka Seiñkur wa ye wow yoh ya i pynkupburom u pynpoi ki ya ki Marksheet, ka ID Proof wa kiwi kiwi chwa ka 23 tarik uni u bnai.
Ya ka yutip wa bniah ye leh u phah WhatsApp ha u No. 8787884815.
