Ka Society for the Study of Law (SFSL), West Jaiñtia Hills kam chibynta wow pteiñ yei dawa wow booh ya ka National Law School hapoh ri Jaiñtia hadien wa da dep phah dorkhat cha ka sorkar jylla hajrong ini ha u Naiynñiaw uni u snem da rai ko wow pynman da ka yalang paidbah.
Kani ka yalang toh kam wow pynkynmoo biang ya ka sorkar wei wow paan yei kyrchaan neibynta i bha i miat wei wow rah yei burom ka ri Jaiñtia deiwa em kam katai ka skur kawa ya ryngkat kyrdan wa kiwi kiwi ki skur kiwa em ha kiwa boon ki thaw ha ri India.
Ka Society da kdaw ko leh wa ka ri Jaiñtia yong i wot hadien wa da dap 50 snem leh ym em u yoh ko wot tang kawi leh ka State Level næ ka National Level ka chlem puræ puthi.
Hajrong ini i kaam da kyrpaad ya ki paidbah kamjooh ki Waheh Chnong ka ri-loom Jaiñtia wow sñiawbha u ya wan cha ka yalang ka wow man ha ka 15 tarik uni u bnai heipor 4:00 waje i janmiet ha Chutwakhu Indoor Sport Hall, Jowai yoh u ya pyrkhat sani kammon u ya lai luti neini chakhmat yoh u man itai i kaam iwa jop, neibynta i roi i paar wa i burom ka ri Jaiñtia yong i.
Puræ leh: Booh ya ka National Law School ha Ri-loom Jaiñtia, dawa ka SFSL
