Shillong: Ka Shillong Lajong FC da pyntip ko wa ka e sikai ya kiwa kwah wow man kam ki Coach da sdang yaka nadooh kani ka tayaw wa da dep heiwa yaka e sikai da leh da u Jose C. R. Heiva, Spanish UEFA Pro Coach ha madan Polo.
24 ngut ki Coach na East Khasi Hills da chah jied ki kam ka 1st Batch kiwa da chah sikai haka Theory wa Practical ha Shillong. Kini ki First Batch kattu daw poi ki cha ka Phase 2 heiwa daw chah sikai ki 4 sngi kawa man hapoh AIFF Grassroots Leadership Course heiwa daw chah sikai ki ki ha u Certified AIFF Instructor.
Hadien ini daw lai cha kawi tawon ka kyrdan ka AIFF D License Certification Course kawa daw sikai da u Certified AIFF Instructor.
Ka Club daw pynman ko ya kini ki D License Program sa ya 11 tylli ki Batch ya ki District waphær ka jylla nadooh ri-loom Jaiñtia, Garo, Khasi wa Ri-Bhoi.
Kani ka e sikai man ko kawa mynkna ya kiwa wan chimbynta kamtæ da khut ka Lajong FC khamtam ya kiwa na ri-loom Jaiñtia wow wan ki cha khmat.
Ki Coach kiwa kwah wow chimbynta ye ki wow lai cha ka yung krehkaam ka Shillong Lajong FC wa em ha Centre Point namo cha Meghalaya Football Association Office wa em ha Polo, Shillong. Ye ki leh wow phone ha kini ki number +91 8794237397/ +91 9863373299.
Discussion about this post