Ka sorkar Meghalaya da khut ko ya ki chynrang wa ki kynthai kiwa man kam ki ST, SC, OBC ka Meghalaya wa kitu wa em bei em pa kiwa man kam ki Safaiwallas kiwa ye wow yaleh ya ka UPSC Civil Services (Qualifying) Examination 2022 yow yoh ki ya ka e sikai (Coaching) ka wow pynlut da ka sorkar jylla hapoh ka All India Services Pre-Examination Training Centre.
I e sikai toh hei ktien English wei kitu kiwa em 21 snem chaneiñ kiwa da pyndep ya ka Degree Exam deiwa yoh 50% ki Marks ye ki wow wan chakhmat wow yaleh ya ini.
Kitu kiwa da dep wow yoh sikai ym duna ya chisien ha kiwon kiwon ki Pre-Examination Training Centre hapoh ka ri kiwa da em i thmu wow yaleh ya ka UPSC Civil Services Preliminary Examination, 2022 lane kiwa da yaleh chisien ya ki Civil Service Prelims Examination kamjooh ki wym pu em yaleh ye ki wow yaleh yow yoh ya ini i e sikai.
Hap wow yaleh (Apply) ya ini waka Union Public Services Commission (UPSC) yow yoh chwa wow yaleh ya ka CS Prelims Examination 2022 hapoh i por wa da booh da ka UPSC. Kitu kiwa chah jied daw yoh ki leh ya ka Hostel wa i baam wow e dei mynkna ya kitu kiwa wan nyngkong chwa (First Come First Serve) neibynta ki 75 ngut.
Ka tarik wa khaddooh wow pynpoi ya ka Application toh ha ka 08-11-21 wei da em thaw du ya 100 ngut donhi.
Ya ka Application toh u pyndap da kawa yoh naka MATI deiwa lai ha www.mati.gov.in. Ya ka Application Form kawa da dep pyndap ye wow Scan ka dep te email ha [email protected] lane deiwa phah da ka Post kamjooh deiwa lai e dei bru cha O/o All India Services Pre-Examination Training Centre Additional Secretariat Building Old MATI (Premises) Shillong-01 nadooh 11:00 waje i step hadooh 3:00 waje i janmiet. Ym pdiang ya kiwa wan e hadien katai ka tarik.
Ya kiwa chah jied daw booh yei pyrtuid ki ha ka Office Notice Board ha ka 11-11-21 wa ha ka Website www.mati.gov.in wei ye leh wow chah pyntip deiwa chah Phone ha u Number wa booh ha ka Application Form.
Ka e sikai u sdang ko nadooh ka 17-11-21 wei u pteiñ ko hadooh ka CSE Prelims 2022.
