Ka chnat Education ka sorkar Meghalaya da pynbna ko wa neidaw wa kiwa yaleh ya ka CUET UG 2025 da yoh ki yei thaw thoh namo ki Exam Centre wa em cha baar ka jylla, kamtæ da kwah ko wow chim yukheiñ hadooh katwon ngut kiwa yoh kamni.
Ini da jia i wot hawa kiwa na Meghalaya da jied ki wow thoh Exam ha Meghalaya hi tangwa da booh ya ki cha Jorhat, Dibrugarh, Mizoram, Nagaland wa Kolkata.
Neiliang kiwa yaleh Exam da pynsñiaw ki yei chem chitom lada hap lai thoh Exam cha kini ki thaw wa jngai wei da em leh kiwa da yoh thaw thoh ha ar tylli ki chnong wa jngai kawi na kawi iwa man iwa eh bha wow lai kdong yow thoh ya kani ka Exam.
Em won leh kiwa da yoh tarik wow thoh Exam heitæ i rukom wa hap ki wow sah hadooh le sngi ha kawi ka chnong iwa da pynjoor yei lutsan wa hap wow yang boon sngi hadien wa dep kawi ka Paper.
Neiliang u Montri Rangbah ka jylla, u Conrad K Sangma da dep u leh wow yachem wa u Montri ka sorkar pyrdi wa pait ya ka puræ puthi, u Dharmendra Pradhan yow phah ya ka National Testing Agency (NTA) yow pynsangeh næ pyndam ka neibynta ki khynnah ka Meghalaya neibynta uni u snem kat wym pu ye u pynbiang ya ki thaw thoh Exam.
Kamtæ ka sorkar yow lait kiwa yaleh ya kani ka Exam u chem chitom da khut ko wow pyndap ya kani ka Online Form yow tip katwon ngut kiwa da yoh Exam Centre cha baar.
Ya kani ka Online Form ye phi u yoh deiwa Click ha uni u Link https://docs.google.com/forms/d/e/1FAIpQLSd6QQQtfNKujpj2uhl9s86iFXjfiWhkMa_M5mcQbWn9yfXZoA/viewform?pli=1
Discussion about this post