Ka sorkar Meghalaya da khut ko ya ki seiñ wa em ha ka imlang sahlang wow puræ ya ka ‘Mental health and social care policy-Meghalaya’ kawa dang dep pynbna ka sorkar yow pynsñiaw ki paidbah yeiwa sñiaw ki chapang kani.
Kam wow pynkynmoo wa ha ka 10 tarik uni u bnai, ka sorkar da pynbna ko ya kani ka Draft Policy wa nyngkong kam kani kawa yatoh wa i chait i khiah i bor pyrkhat kamjooh i e yarap ya kiwa chitom, kawa ka sorkar da ong ko wa da wanrah hadien wa da thooh bniah bha.
Ya kani ka Draft Policy da booh neibynta ki paidbah wei ye u yoh deiwa lai ha kini ki link https://meghealth.gov.in/documents.html wa http://nhmmeghalaya.nic.in/programmes/NMHP/nmhp.html neibynta 15 sngi.
Ya iwon iwon wa chem wym biang wa duna ha kani ka Draft State Mental Health and Social Care Policy-Meghalaya ye wow phah deiwa pyndap ya ka Form heini https://forms.gle/7cWNjBZpTywnVHus9 deiwa kdaw che ya ka Page Number wa kwah wow pynbha pynmiat.
Ye leh wow phah yeiwa sñiaw deiwa email ha [email protected]. Ka tarik wa khaddooh wow leh yeini toh hadooh ka 24-10-22.
