Ka Saiñdur Tipkur-Tipkha Ieng Ehrngiew Hynñiew-Trep (STIEH) kam chibynta wow beiñ yei chah ban beiñ yong ki kynthai nadooh ki manbei, ki khyllood wa ki khynnah ha ka jylla yong i iwa nang ku na i por cha i por. Kamtæ ka STIEH kam ka seiñ ki manbei, da khut da wer wei ko ya phi waroh ki khon ka Bri U Ynñiaw Trep wow ya ksohkti lang ha i lai paidbah (Rally) ka wow man haka 18 tarik uni u bnai.
Ini u man ko kam chibynta leh wow pynyoo yei sñiawlem hajrong i jia chah thombor ki kynthai wa i chah slaitbor wei chah pynyap na i por cha i por, wei wow pynbor ya kiwa synchaar wow chimkhia u pynkrehkaam wei wow pynchitom katkam ki aiñ kam ka IPC 302.
Ka STIEH da ong ko leh wa ym ye de wow phah yei khut wa kyrpang cha phi kiwa mihkhmat, kiwa yalam seiñ saiñhima, seiñbhalang kiwa em sakhiat yei mynsien wow pynim ya ka jaitbru yong i, tangwa lyngba kani ka kyrwoh wow pdiang phi kamjooh wow emlang ha katai ka sngi.
Ini i lai paidbah u sdang i na Madan Student nadooh i por 11 waje i step deilang wa i yalang paidbah ka wow man ha Taxi Stand Jaiaw, Motphran.
