Khut ka SWCRJ ya ki waheh chnong ka Ri-loom Jaiñtia wow wan cha ka yalang bah

Ka Synjuk Waheh Chnong Ri Jaiñtia (SWCRJ) ynne ka sngi da pynman ko ya ka yalang ha yung krehkaam ka seiñ wa em ha Lumpyrtuh, Mihmyntdu, West Jaiñtia Hills.

Hadien ka yalang hawa yaklam wa kiwa pathai khubor, u President ka synjuk, u Army Lipon da ong u wa da chim ya ka rai wow pynman ya ka Annual General Meeting namo ka yachem wa chisien chi snem wow man ha ka 18 tarik uni u bnai ha District Library Auditorium, Jowai heipor 10:00 waje i step.

Da ong u wa kani ka yalang toh ka yong waroh ki waheh chnong wa em ha East wa West Jaiñtia Hills, ha ki thaw sor næ palatsor, ki Block wa ki Life Member wow wan cha kani ka yalang wow sñiaw ya ka bui (Report) yong ka Fete wa da man ha u 2022 wa kiwi ki kaam wow yatoh waka synjuk.

Da pynsñiaw u leh cha waroh ki waheh chnong wa ka synjuk daw pynman biang ko ya ka Fete ha ka 9 tarik u Kmaichonglad (Dec) ha Madan Wahriong, Lumpyrtuh, Mihmyntdu.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da kyrpaad u leh ya waroh wow wan ki cha kani ka Fete khnang wow man ki kaam wa jop wei kawa poi thong.

U Lipon da ong u wa ka thong ka synjuk toh wow pynmih poisa khnang wow ye u thied ya i thaw wow chna ya ka yung krehkaam wow pynsuk ya ka synjuk wa ki kaam yong ka deiwa chna leh waka Conference Hall wow pynlang ya ki waheh chnong.

Da pyntip u leh wa ha kani ka Fete daw em ki yalehke wa har rukom nadooh ya ki khynnah hadooh ki waheh.