Neiliang ka Thadlaskein Sports Association (TSA) da pyntip ko cha phi ki Club wa haap hapoh ka Association wa ka Executive Committee kawa da chong pynbait kaam haka 18-03-25 da pynbait ko ya kini ki kaam ha wah.
Da chim ya ka rai wow pynmih noh 3 tylli ki Division neibynta ka samoi 2025-2026.
Ha ka Super Division u kynthup ko waroh ki Team kiwa poi Quarter Final ha kani ka League 2024-25 wa kiwi ki Club wa pynsnoh thymme na kiw ki Association kiwa em ha ka Super Division.
Ha ka 1st Division u kynthup ko ya waroh ki Team wa rem ha ka Round of Sixteen ha kani ka League 2024-25 wa kynthup wa ki Team wa pynsnoh thymme wei ymtoh u em palat 16 tylli ki Team.
Ha ka 2nd Division u kynthup ko ya waroh ki Team wa ya chimbynta ha kani ka League 2024-25, ki wym em u psiah cha ka Knockout Stage wei u kynthup wa kiwa pynyasnoh thymme.
I pyntip won ya phi ki Club kiwa em cha kiwi ki Association, wa neiliang ka TSA pdiang sñiawbha ko ya phi u wan psiah phi cha ka Association ha uni u snem 2025, wei i pdiang ya ki Club wa wan psiah thymme toh katkam ka Division wa em ki ha ka Aassociation warim yong ki.
Da pynkynmoo leh wa ka yakhun Final ka Football League 2024-25 u man ko haka 29-03-25 ha Wahiajer Multi Sports Complex heipor 2:00 waje i sngi hapyrdi ka Nongkhroh Rim SC Vs Niriang SC.
Yow tip bniah yei phi wow Phone ha u General Secretary, u Ebormi Lyngdoh (8798724424).
Discussion about this post