Khut ki pulit ya kiwa tipmit ya uwa leh khlemakor ya ka khynnah ha Umsohsun wow wan ki chakhmat

U Superintendent of Police ka East Khasi Hills, u Vivek Syiem da pyntikna u wa da ujor FIR hapoh ka Protection of Children from Sexual Offences (POCSO) Act wa hapoh ka Bharatiya Nyaya Sanhita, 2023 hadien wa poor i Video CCTV na Umsohsun heiwa da yoo ya uwi u damok wa sap Mask da leh khlemakor u ya ka khynnah skur.

Da pyntip wa da booh ya kani kam ka Special Registration Case neidaw i rukom man ko wei dadep leh wow yachem wei yaklam wa ka khynnah kawa hap wow maad yeini.

Da ong u wa ki pulit dang takit ki ya ki CCTV Camera wa em ha kani ka thaaiñ wei da phah leh wow kem ya uni u damok. 

Ini da jia i ha i step ka 23 tarik heiwa uni u damok da bood wei da khyndang Skirt u ya ka khynnah skur dei thmu wow chondur ya ka wei ini da pynchrai bha i ya ki paidbah.

Related posts

Da wanrah ya boon tylli ki Amendment Bill ha ka sngi sdang ka Autumn Session

September 8, 2025

Chimpor u Lamphang wow rai ya ka ujor ka Congress pyrchah ya ki 4 ngut ki MLA kiwa da kynthiar cha ka NPP

September 8, 2025

U SP da ong u leh wa ini toh i sien nynkong wa yoo ki kamni wa jia cha i, kamtæ da khut u leh ya kiwa chong chnong kiwa tipmit ya uni u bru wow wan ki chakhmat wei daw murieh yei pyrtuid ki deiwa ong leh iwon iwon i yarap wa yoh na ki paidbah daw yarap bha i.

U Tribelget Dkhar, u Rangbah Shnong ka Umsohsun da beiñ joor u ya ini i jia deiwa ong leh wa uni u damok ymtoh uwa na ka chnong yong ki.