U Chief Judicial Magistrate cum Secretary, District Legal Service Authority, West Jaiñtia Hills da pyntip u wa daw pynman ya ka Walk In Interview ha ka 19-01-24 neibynta iwi i kreh wa lait yow man kam u Front Office Coordinator ha ka yung krehkaam ka District Legal Service Authority, Jowai da ka Contractual Basis wei i su man i Rs. 26, 500 chi bnai wei ye u pteiñ ya ka Contract iwa chong hei lehbha yei kreh.
Kiwa ye u yaleh ya ini i kreh toh u man ki kam kiwa chong chnong ka ri India wei toh u man ki kiwa da dap 18 snem wei ymtoh u palat 32 snem. Tangwa ya kiwa man kam ki SC/ST da pynyinsur da 5 snem yei heh rta kiwa yaleh kreh deiwa kheiñ hadooh ka 01-12-23.
Kiwa em ya ka Bachelor Degree ha iwon iwon i puræ puthi wa pyndep na kawon kawon ka Univeristy kawa da tipmit wei kiwa em yaka Diploma haka Computer Application na ka thaw puræ wa da tipmit wei kiwa tip ya ki Computer Software kam ki MS Office, Internet wa kiwi ye ki wow yaleh.
Ya kani ka Interview daw pynman ha yung krehkaam u District and Session Judge, West Jaiñtia Hills District Khliehtyrshi nadooh 9:00 waje i step.
Kitu kiwa kwah u yaleh kreh ye ki wow wanrah da ka Standard Form deiwa pyndap yeiwa emkaam wei wow pyndait lang ya ki kot ki slai (Soft Attested Copies) wa emkaam deilang wa ar tylli ki dur Passport, i Phone Number /email. Ki Certificate/Document kiwa man Original daw hap u rah heipor wa pynman Interview.
Ya ka Registration leh daw pynman haka sngi pynman Interview nadooh 9:00 waje i step hadooh 11:00 waje i step donhi.
Kitu ki bru wa da kreh kattæ wa kiwi ki bru, hap ki wow rah lang ya ka “No Objection Certificate” wa da e ki bru wa kreh ki.
Ya ka Result daw booh ha ka Website ka www.jowai.dcourts.gov.in.
Lada kwah u tip bniah ye phi u lai cha ka yung krehkam ka District Legal Service Authority, West Jaintia Hills District, Khliehtyrshi.
Discussion about this post