Ka Joint Action Committee wa kynthup ya ka All Jaiñtia Cement & Clinker Transporter’s Association (AJCCTA) waka Meghalaya Truckers Union (MTU) ynne ka sngi da pyntip ki wa ka yalang paidbah daw pynman ya ka ha kani ka 9 tarik hajrong i chah chukor ki paidbah ha ki karkhana pynmih khyndawbilat.
Ya kani ka yalang daw pynman heipor 11:00 i sngi hajan ka Ialong Tollgate wei da kyntu ya ki paidbah wow sñiawbha ki wow wan cha kani ka yalang khlem pep khnang wow sñiawthooh hajrong i tlot krehkaam ki wakreh ka JAC.
Chooh chooh ki ar seiñ wa ki paidbah da sah ki hei phylla hajrong i sahteiñ ki kaam ka JAC kattu la chi snem tam kamtæ dei wym yohsa da khut pynman noh ya kani ka yalang da kini ki ar seiñ (AJCCTA wa ka MTU).
Ki phang wow yaklam ha ka yalang u kynthup ki ya kini hawah:
- Ka dor bai kit bai bah ka wym krehkaam.
- Ka Godown wa em ha Meghalaya da kyrriah noh chapoh ka jylla Assam.
- I thied Truck ka Star Cement kamwa palat 300 tylli.
- I rukom chim poisa kulmar ka Tollgate.
- Wow pyntymme ya kiwa kitkaam ka JAC.
- Wa kiwi kiwi.
