Shillong: Ka All Jaiñtia Students Union (AJSU) Shillong Circle da khut ko ya ki paidbah kiwa chong chnong ka ri-loom Jaiñtia kiwa chnong wa sah ha sor Shillong wow mih paidbah cha ka rally wa khut pynman da ka Khasi Author Society (KAS) ha ka 22 tarik uni u bnai wow dawa na ka Sorkar wow pynpsiah ya ka Ktien Khasi ha ka bynta wa phra ka Riti Synchaar ka ri India.
Ya kani ka rally u sdang ko nadooh 11 waje na madan Iewrynghep, Laitumkhrah heipor 11 waje i step.
Kam wow pynkynmoo ka Khasi Author Society (KAS) da pynman ko chiboon ki yalang phyllu yumut ha kylleiñ ka ri-loom Khasi wa Jaiñtia hajrong ini i kaam.
Dang ha ini, u Most Rev. Dominic Jala, SDB, DD, uwa man u Archbishop da e u i kyrchaan yeini i dawa ka KAS.
Ka seiñ da sñiawkhia ko leh yeini kamtæ da khut ko ya waroh wow yawan cha kani ka rally wow pyntikna wa i dawa ka KAS daw man i iwa jop.
Discussion about this post