Ka Dorbar Chnong Nangbah daw pynman ko ya ka E Yadaw Rong hadien ar snem heiwa ha uni u snem u man ko ha ka 02-09-22 ha Madan Pynkai (Madan Heh), Nangbah.
Kani ka yadaw masi daw sdang ko nadooh i por 11:00 waje i step ha katai ka sngi, kamtæ da khut sñiawbha ya phi ki lok ki jor kiwa najan na jngai u wan sakhi lang ya kani ka E Yadaw Rong ka chnong Nangbah.
Ka Dorbar Chnong da booh ko leh ya ki mana wow khang ya waroh kiwa dai ya ki jait dih wa pynmuaid nadooh i kiad wa kiwi tawan ha katai ka sngi hapoh u pood u ang ka Dorbar Chnong.
Ka kyrwoh na u T. Iongwai, Waheh Chnong.
