Khut sñiawbha ka Mookhep Secondary School cha ka Fete kam wow yarap phi ya ka skur

Ka Mookhep Secondary School, Mookhep kam chibynta wow yarap pynmih poisa neibynta kiwa boon wa emkaam ka skur, daw pynman ko da ka Fete wa ar sngi ha ka 22 wa 23 tarik uni u bnai ha madan bol ka chnong Mookhep.

Ha ka 22 tarik nadooh 1:30 i sngi daw em ka yadaw masi wei nadooh 7:00 waje i miet won daw sdang i pynwyrngia da u DJ Ryan, i rwai na u RJ Meyo deiwa em leh u DJ Poihamei wa kiwa chaad na Mookhep.

Ha ka 23 tarik leh daw em ka yadaw masi nadooh 1:30 i sngi katwa ki pynwyrngia daw sdang ki nadooh 7:00 waje i miet deiwa em u DJ Frex i tem i rwai na u Monmi Suchiang, u Johnny Suchiang wa na u Shanbor wa u Lando.

Ha kani ka miet daw pynkhle leh ya ka Lucky Draw heiwa ka 1^st Prize man ko Rs. 1,00,000, ka 2^nd Prize Rs. 50,000 katwa ka 3^rd Prize won Rs. 30,000 wei da em leh 4 tylli ki Consolation Prize kiwa Rs. 5000 kawi.

Related posts

Pynlait ka Seiñ Raij Tuber HSS ya ki Ticket Lucky Draw | Daw em ka Bumper Housie wa palat Rs. 3 lak ha ka sngi Fete

September 17, 2025

Da ka Jimny, ka Bolero Pick-Up wa ka Scooty u pynkhle ka Seiñ Kur Dkhar East Jaiñtia Hills District

September 16, 2025

Ka bai psiah man ko Rs. 100 chi sngi.

Kamtæ neiliang ka skur da khut sñiawbha ko ya phi wow wan pynchit phi ya kani ka Fete iwa daw man leh wow yarap yeiwa emkaam ka skur.