Ka Seiñ Kur Dkhar East Jaiñtia Hills District, daw pynman ko ya ka Fete deilang waka Dancing Competition wa chi sngi ha Eastside Inn, Jaliyiah, East Jaiñtia Hills ha ka 08-04-2023, nadooh 10:00 waje i step hadooh 10:00 waje i miet neibynta u pynmih poisa yow chna ya ka yung krehkaam wa pura yong ka seiñ kawa da sdang chna katkam wa man kattæ ha ka chnong Mookhep, East Jaiñtia Hills.
Ha katai ka sngi daw em chiboon ki rukom wow pynwyrngia ya phi nadooh i por step hadooh i por miet, kiwa kynthup ya ka Housie, i dai that, dai sula kamjooh leh ka pynkhle nasib namo ka Lucky Draw yong ka kur.
Heijooh i por leh, heipor 7:00 waje i miet yong katai ka sngi, dow em ka Dancing Competition heiwa da em 20 ngut ki wow pynyoo yei sap kamjooh kiwa chkeh bha u chaad kiwa wan na kylleiñ soodong yong ka Ri Khasi-Jaiñtia.
Katwa kamtæ da kyrpaad ya waroh hi-eh, ki parakur Dkhar wa maya, kiwa em ha kylleiñ soodong ka Ri Jaiñtia, khamtam ya ki parakur Dkhar kiwa em ha East Jaiñtia Hills District, wei kamjooh leh ya ki paralok wa maya waroh, wow sñiawbha ki u ya pynlait por khnang heiwa u ya wan chongchit cha katai ka Fete cum Dancing Competition yong ka Seiñ Kur Dkhar East Jaiñtia Hills District ka wow pynman ha katai ka sngi, ha i por wa i thaw wa da kdaw haneiñ khnang wa itai i thmu yong ka SKDEJHD yow man ko kawa phooh wa phieñ, kawa chongkun wei kawa jop pura.
Kani toh ka Wyrta katkam wa da pynlait da u M H Dkhar, Addnl General Secretary yong ka Seiñ Kur Dkhar East Jaintia Hills District.
