Jowai: Kam chibynta wow pynkut ya uni u snem da iwa rap pher, ka Yaman Creations (YC) ha ki ar sngi ka 28 wa 29 tarik uni u bnai u pynman ko ya ka Winter Festival wa nyngkong hajan ka kchaaid Krangsuri wa em hajan Amlarem.
Ha kini ki ar sngi kiwa tem wa put wa rwai wa ki DJ wa pawnaam napoh jylla kamjooh kiwa na baar jylla daw wan pyn wyrngai ki ya waroh, wei da em leh ki bynta wa da booh kyrpang neibynta ki khynnah wow yalehke ki kamjooh ki yakop tynre kam ka dat moopoint, yatan tylle, yaknieh chuki, ki yakob Quiz wa kiwi kiwi, wei iwa kongsan dooh toh wow man ko kam ka rynsan ya kiwa em ka sap rwai ka put ka tem sur.
Ya kiwa kwah u sah miet da em leh ki Camp Site wa da booh kyrpang kamjooh ki thaw dai baam wa ha rukom.
Ki wow mih ha rynsan wow rwai man ki nadooh kiwa da rim wa kiwa dang thymme napoh ka jylla kiwa tem jait sur Rock, Blues, Country wa kiwa rwai sur Khasi wa Pnar kamjooh ki DJ.
Yow poi cha kani ka thaw hap lai na Amlarem cha ka kchaaid Krangsuri naka sarok wa jooh lai cha kani ka kchaaid.
Ha waroh ar sngi kani ka tamasa u sdang ko nadooh 11 waje i step hadooh 10 waje i miet.
Also Read: Ha ka sngi wa ar ka Winter Festival daw wan tem ki Eclipse wa kiwi kiwi
Discussion about this post