Khliehriat: U Deputy Commissioner (Supply) East Jaiñtia Hills District da pynbna paidbah u wa i kaam dai rachon (Fair Price Shop Dealers) wa i phniang sharak (S.K. Oil Retailers) ha East Jaiñtia Hills District wa neibynta u snem 2020 daw kut noh ko ha ka 31 tarik u Kamichonglad (Dec), 2020. Kamtæ kiwon kiwon kiwa chong chnong, ki Society ka East Jaiñtia Hills District kiwa kwah wow man kam ki Fair Price Shop Dealers neibynta u snem 2021 ye ki wow wan booh ya ki Application yong ki ha ka yung krehkaam yong u Deputy Commissioner (Supply), East Jaiñtia Hills District, Khliehriat.
Ya ki Application Form ye wow yoh na ka yung krehkaam yong u Deputy Commissioner (Supply), East Jaiñtia Hills District, Khliehriat. Ki kot ki sla wa hap wow sooh lang wa ka Application toh ka Court Fee Stamp Rs. 14, i rai yong ka Dorbar Chnong, i pyrtuid ki dkhot yong ka Vigilance Committee wa ki Phone Number yong ki, ka Epic Card, ka Bank Account No. (deiwa Xerox ya ka sla kawa na khmat yong ka Pass Book kawa pynyoo ya ki pyrtuid, ka Bank Account wa kiwi kiwi), i dur Passport Size 2 tylli, i Mobile Phone Number, ka Bank Security Deposit wa Rs. 5000 wa u Aadhaar Number. Ki Fair Price Shop toh u pynkrehkaam noh ki ya ki kor Electronic Point of Sale (ePOS).
Chooh chooh, ki Dorbar Chnong lane Local Club toh u kitkhia ki wow pait bniah bha hawa yatoh wa i e bor ya ki Application, wei wow phah ya ki cha ka yung krehkaam u Deputy Commissioner (Supply), East Jaiñtia Hills District, ha lane chwa ka 30 tarik u Khonchonglad (Nov), 2020 khnang wow lait na iwon iwon i tkoh hawa saam ya ki mar baam mar dih kamjooh leh ya i phniang charak.
Ki Waheh Chnong wa ki Secretary chnong ym ye ki wow man kam ki Dealer. Ki Waheh Chnong wa ki Secretary chnong toh u pait bniah bha ki ya kiwa yaleh ya ini i kaam wei u toh u man ki kiwa biang ha i liang ka poisa ka tyngka, kiwa biang ya i thaw booh mar wa u booh phniang charak wei toh u man ki kiwa tip u thoh u tar.
Ya ki Application ki wym biang katkam ki kyndon wa da kdaw haneiñ ym ye wow pdiang.
